Stori Anthony

Gyda theitl a record byd wedi'u sicrhau eleni eisoes gan ei addewid ar gyfer Llundain 2012, mae Anthony Hughes wedi ychwanegu teitl Hyfforddwr y Flwyddyn Chwaraeon Cymru at ei restr o lwyddiannau.

Yn Rheolwr Perfformiad Cenedlaethol gyda Chwaraeon Anabledd Cymru, mae Anthony yn Brif Hyfforddwr ac yn Rheolwr y Rhaglen Genedlaethol ar gyfer y Rhaglen Athletau Anabl Elitaidd sydd wedi'i lleoli yn y Ganolfan Athletau Dan Do Genedlaethol.                             

Yn cael y clod am ddatblygu academi enwog Chwaraeon Anabledd Cymru a chynhyrchu byddin o athletwyr elitaidd, mae Anthony o Benarth wedi helpu i wneud Cymru'n un o'r gwledydd mwyaf llwyddiannus, bunt am bunt, yn y byd para-chwaraeon.

O blith y 31 o athletwyr a oedd yn rhan o sgwad Prydain Fawr yng Ngemau Paralympaidd Beijing yn 2008, roedd naw o'r rhain yn Baralympiaid am y tro cyntaf wedi dod drwy rhaglen yr Academi.                                      

Ym Mhencampwriaethau Athletau Hŷn y Byd a gynhaliwyd gan y Pwyllgor Paralympaidd Rhyngwladol yn Seland Newydd fis Ionawr 2011, cafwyd perfformiadau eithriadol dda gan athletwyr Cymru a daethant adref gyda 18% o gasgliad medalau Prydain Fawr.

Enillodd ei seren ifanc, Nathan Stephens, yr aur yn y gwaywffon F57, cipiwyd arian gan Aled-Sion Davies yn y Discys F42 a chafodd Kyron Duke fedal efydd yn y Gwaywffon F40.       

Fis Awst, torrodd Stephens y record byd yng Nghystadleuaeth Agored y Weriniaeth Tsiec, gan gofnodi pellter o 41.37m.

Enillodd Hughes, sy'n ddefnyddiwr cadair olwyn ei hun, yr anrhydedd yn y categori i Hyfforddwyr Perfformwyr Anabl.                                  

Os oes gennych chi ddiddordeb yn Chwaraeon Anabledd Cymru ewch i wefan FfChAC. Os oes gennych chi ddiddordeb mewn cymryd rhan mewn hyfforddi neu wirfoddoli, yna ewch i'n tudalen hyfforddi ni neu cofrestrwch heddiw drwy gyfrwng Tu Ôl i Bob Seren