Stori Jo

Gwirionodd Joanne Nicholas ar redeg tra oedd yn y brifysgol, pan gafodd ei hannog gan ei ffrindiau i ddechrau cymryd rhan. Ychydig a wyddai hi bryd hynny y byddai'n cymryd rhan mewn cystadlaethau ac yn gosod nodau uchelgeisiol iddi hi ei hun yn fuan iawn. Meddai Jo:

"pan ddechreuais redeg, doeddwn i ddim hyd yn oed yn gallu rhedeg 200m at y blwch postio heb aros i orffwys!

Y trobwynt oedd ymuno â chlwb rhedeg lleol (Rhedwyr Dinas a Phenarth). Mae ganddynt redwyr o bob gallu a sesiynau i ddarparu ar gyfer hyn. Pan ddechreuais yno, roedd yn un o'r rhedwyr araf ond buan iawn roeddwn yn gwneud  cynnydd gyda chyfarwyddyd hyfforddi da a phobl yn gwmni i mi i redeg.                               

Rwyf wedi gwirioni erbyn hyn ac wedi dechrau cymryd rhan mewn rasys hyd yn oed.

Dechreuais gyda'r ras fywyd 5K (a oedd yn ymddangos yn hir ar y pryd) ond nawr rwy'n rhedeg rasys 10K a hanner marathonau. Rwyf wedi gwella'n sylweddol dros y blynyddoedd a'm nod erbyn hyn yw rhedeg 10K mewn llai na 40 munud a hanner marathon mewn 1 awr 30 munud. Rwyf bron yna!          

Mae'r dyhead i gyflawni hyn yn gwneud i mi ddal ati. Fy nghyflawniad mwyaf wrth redeg hyd yma yw bod y fenyw gyntaf yn 10K Bradley Stoke - enillais dlws a basged o ffrwythau - fy ngwobr gyntaf erioed am redeg!

A pham fod Jo yn gwneud hyn?

Mae'n creu rhyw fwrlwm ynof i; rhyw gyffro. Mae ymarfer yn ffordd wych o leddfu holl straen y dydd a gwneud i chi deimlo ar ben eich digon unwaith eto."

Os ydych chi wedi cael eich ysbrydoli gan stori Jo, beth am gofrestru gyda FyChwaraeonCymru heddiw, ble gallwch greu eich proffil gweithgarwch eich hun, cofnodi eich gweithgarwch wythnosol a hyd yn oed greu eich llwybrau rhedeg eich hun.