Chwaraeon i bawb

Rydym yn credu'n gryf mewn chwaraeon i bawb ac yn gwbl ymroddedig i amrywiaeth, gan sicrhau bod y gwasanaethau a'r cyfleusterau a ddarperir gennym, a'r bobl a gyflogir gennym, ar gael i bawb.

Mae ein Cynllun Cydraddoldeb yn amlinellu ein dull rhagweithiol o weithredu wrth gynnwys ac yn datgan ein hymroddiad i weithio tuag at sicrhau cydraddoldeb yn ein holl swyddogaethau.

Ein Blaenoriaethau

• Parhau i weithio er mwyn cynyddu'r gynrychiolaeth i ferched ym mhob agwedd ar chwaraeon.
• Parhau i weithio i gynyddu'r cyfranogiad ymhlith pobl anabl, yn enwedig mewn perthynas â rhaglenni PIE ac mewn swyddi hyfforddi.
• Ehangu'r gwaith o gasglu data i gynnwys Anabledd ac Ethnigrwydd.
• Cynnal ymchwil mewn perthynas ag ethnigrwydd.
• Ymgymgryd ag ymgynghoriadau, yn benodol mewn perthynas ag Ethnigrwydd ac Anabledd.

Gyda phwy rydym yn gweithio

Ffederasiwn Chwaraeon Anabledd Cymru (FfChAC) : Mae Chwaraeon Cymru'n cyllido FfChAC, Corff Rheoli Chwaraeon Cenedlaethol Holl-Anabledd sy'n ceisio hybu a datblygu cyfleoedd chwaraeon o safon. Drwy gyfrwng ei raglen gymunedol, lleolir Swyddogion Datblygu ledled Cymru.

Awdurdodau Lleol: Mae 'Cytundebau Partneriaeth yr Awdurdodau Lleol' yn cyflwyno ein targedau a'n hymyriadau ar gyfer lleihau anghydraddoldeb yn lleol.

CRhChC: Rydym yn annog CRhChC i ystyried eu haelodaeth, a'u cefnogi i gyrraedd y Safon Gydraddoldeb ar gyfer Chwaraeon.

Cynghorau Chwaraeon y DG: Mae Chwaraeon Cymru'n rhan o grŵp ledled y DG sy'n dod at ei gilydd er mwyn rhoi gwybod am ofynion cyfreithiol a rhannu arferion.