Gwirfoddolwyr yw asgwrn cefn eich clwb; mae eu cyfraniad gwerthfawr yn teilyngu cydnabyddiaeth sylweddol oherwydd hebddynt, ni fyddai unrhyw beth yn cael ei wneud.

Mae recriwtio a dal gafael ar wirfoddolwyr yn waith caled ond yn hanfodol er lles dyfodol eich clwb.

Ond cofiwch, mae'n broses 2 ffordd fel dyma rai awgrymiadau ynghylch recriwtio (a dal gafael gobiethio ar wirfoddolwyr):

• rhaid bod yn frwdfrydig am eich cyfleoedd i wirfoddoli!
• sicrhewch bod pawb yn y clwb yn deall ac yn gwerthfawrogi'r swyddogaethau gwirfoddol;
• byddwch yn glir am sut mae rôl y gwirfoddolwyr yn cyd-fynd â nodau eich clwb;
• gwnewch y cyfleoedd yn atyniadol ond ddim yn rhy fawr i'w cwblhau

Mae pobl dda angen cefnogaeth dda - os nad fyddwch yn gofalu amdanynt, mae digon o bethau eraill y gallent fod yn gwneud â'u hamser.

Mae'n bwysig deall pam mae pobl yn gwirfoddoli a sut allant elwa'n bersonol o wirfoddoli.

Gellir pwysleisio'r manteision hyn wrth recriwtio gwirfoddolwyr ar gyfer eich clwb:

• rhoi rhywbeth yn ôl i'r gamp/gweithgaredd corfforol neu'r clwb;
• defnyddio eu sgiliau presennol a dysgu sgiliau newydd;
• cymryd rhan yn gymdeithasol a theuluol;
• datblygu diddordebau newydd;
• derbyn cyfrifoldebau newydd;
• galluogi pobl eraill i gymryd rhan;
• gwybod eu bod yn gwneud gwahaniaeth - cael synnwyr o gyflawniad personol;
• bod yn rhan o dîm;
• meithrin hhunanhyder/hunan-barch;
• gwneud rhywbeth gwerthfawr;
• ennill profiad perthnasol;
• cael hwyl!

Pan ydych yn sefydlu clwb newydd neu eisiau gwella a datblygu clwb presennol, bydd tasgau angen eu gwneud a swyddi angen eu llenwi.

Os bydd y sylfeini hyn yn eu lle ar y dechrau, bydd o gymorth i'ch clwb weithredu'n fwy effeithiol.

Ystyriwch y cwestiynau a ganlyn mewn perthynas â'ch clwb:

• pa wirfoddolwyr ydych chi eu hangen?
• pa sgiliau sydd eu hangen ar gyfer y swyddi hyn?
• beth fydd yr ymrwymiad (amser) iddynt?
• a ydych yn gwirio neu'n sgrinio'r gwirfoddolwyr?
• a yw gwirfoddolwyr newydd yn cael cyflwyniad i'r clwb?

• RECRIWTIO'R bobl briodol ar gyfer y swydd briodol
• DAL GAFAEL arnynt drwy ddarparu cefnogaeth dda ar ffurf swydd-ddisgrifiadau, briffiau clir, mentora a hyfforddiant
• GWOBRWYO beth maent yn ei wneud drwy gyfrwng cydnabyddiaeth briodol a 'manteision' (a fydd pur anaml yn ariannol!)

• Syniadau ar gyfer recriwtio a dal gafael ar wirfoddolwyr
• Rhedeg Chwaraeon - Gwirfoddolwyr
• Templad - Cod Ymddygiad ar gyfer gwirfoddolwyr a swyddogion
• Templad  - Swydd-ddisgrifiad swyddog cyhoeddusrwydd
• Templad - Ffurflen Cytundeb Gwirfoddol
• Templad - Swydd-ddisgrifia Cydlynydd Gwirfoddol
• Gwybodaeth Gyffredinol i Wirfoddolwyr
• Tystysgrif i wirfoddolwyr

Mae'r canlynol yn ffyrdd syml a rhad o ddenu aelodau newydd i'ch clwb:

• Sylw gan y wasg leol i godi proffil eich clwb, gan sicrhau ei bod yn glir bod croeso i aelodau newydd bob amser
• Dosbarthu taflenni neu ddalennau o amgylch cartrefi o fewn radiws o filltir i'ch clwb
• Gosod posteri mewn ysolion lleol ac mewn cyfleusterau lleol fel swyddfeydd post, llyfrgelloedd a siopau
• Cynnal dyddiau agored a hybu pasys penwythnos am ddim
• Cynnig cymhelliant ar ffurf 'cyflwyno ffrind' i'r aelodau presennol, fel sesiwn hyfforddi am ddim
• Gosod baneri fydd pobl sy'n mynd heibio'r clwb yn eu gweld, yn hybu sesiynau 'dewch i roi cynnig arni' am ddim neu gynigion aelodaeth arbennig
• Denwch bobl newydd i ymweld â'ch clwb drwy ehangu eich darpariuaeth, ee. cynnal digwyddiadau lleol fel arwerthiannau cist car, arwerthiannau elusennol, nosweithiau cwis a cherddoriaeth fyw sy'n agored i bobl nad ydynt yn aelodau. Gall cynnig eich clwb fel lleoliad ar gyfer chwaraeon eraill heb gynnwys cystadleuaeth gynyddu'r aelodaeth, naill ai drwy cynnwys strwythur is-aelodaeth neu oerhwydd bod y cyswllt ei hun yn denu pobl i ymuno â'ch clwb. Er enghraifft, os ydych yn glwb tenis, beth am wahodd clwb rhedeg lleol i ddefnyddio eich adeilad fel man cyfarfod a'u galluogi i ddefnyddio'r cyfleusterau newid a bar. Os nad oes clwb rhedeg lleol gerllaw, sefydlwch un.
• Sicrhewch bod digon o sôn amdanoch  ar y rhyngrwyd fel bod pobl sy'n chwilio am glybiau ar-lein yn gallu cael hyd i'ch clwb chi'n hawdd a'i fod yn amlwg ymhlith y clybiau lleol eraill. Sefydlwch ddolennau o gymaint ag y bo modd o wefannau perthnasol eraill; y prif rai fydd eich corff rheoli cenedlaethol a'ch awdurdod lleol - bydd hyn yn cynyddu eich siawns o lwyddo ar beiriannau chwilio fel Google. Unwaith fyddant wedi cyrraedd eich safle, y peth pwysicaf fydd ei bod yn rhwydd iddynt ganfod beth sydd gennych i'w gynnig, beth yw cost yr aelodaeth a gyda phwy mae cysylltu am gyngor pellach.

Mae'n bwysig rhoi cyfle i bobl brofi sut beth fyddai bod yn aelod o clwb cyn iddynt ymroi i dalu ffi ymaelodi.

Sicrhewch bod unrhyw un sy'n ymweld â'ch clwb am y tro cyntaf yn derbyn gofal da ac anogwch yr aelodau presennol i fod yn groesawus a helpu i werthu eich clwb.

• Cod Ymddygiad ar gyfer Aelodau Iau
• Cynllun recriwtio aelodau iau
• Ffurflen aelodaeth iau
• Ffurflen ganiatâd i rieni
• Cod Ymddygiad i Rieni / Gwarcheidwaid
• Llythyr Cyflwyniadol i Rieni
• Templad datganiad i'r wasg

• Cynnydd yn lefel y cymryd rhan a'r gefnogaeth gan wirfoddolwyr;
• Barn y cyhoedd am eich clwb a'r gamp yn dod yn cadarnhaol;
• Bydd sicrhau statws tecach i'ch clwb yn cynyddu eich apêl i nifer fawr o bobl ac felly gallwch gynyddu refeniw ac aelodaeth eich clwb a denu cefnogaeth refeniw;
• Bydd nifer y bobl sy'n gallu cyflawni tasgau gweinyddu, hyfforddi, rheoli a gwirfoddoli'n cynyddu;
• Mae sefydliad sy'n fwy amrywiol ac yn adlewyrchu'r gymuned mae'n ei gwasanaethu o ran y math o staff yn rheoli, y staff gweithredol, y swyddogion a'r gwirfoddolwyr, yn fwy tebygol o fod yn flaengar a gallu ymateb yn well i anghenion amrywiol holl aelodau'r gymuned honno.
• Mae cadw at degwch mewn Chwaraeon yn golygu y byddwch yn gweithio oddi mewn i derfynau'r Gyfraith.
• Byddwch yn gweithio'n unol ag agenda'r Llywodraeth ac felly'n fwy tebygol o dderbyn neu barhau i dderbyn arian i ddatblygu eich camp.

Ceir cyfarwyddyd pellach yng ngwefan yr Adran Ddiwylliant, y Cyfryngau a Chwaraeon; Sporting Equals ac UK Sport Standards in Sport