Sut allwn ni helpu

Yma yn Chwaraeon Cymru rydym eisiau gweld Cymru fwy egniol.

Rydym nid yn unig eisiau cynyddu nifer y bobl sy'n cymryd rhan mewn chwaraeon a gweithgarwch corfforol ond hefyd darparu i'n ser chwaraeon presennol, a'r rhai yn y dyfodol, gyfle i ragori yn eu dewis gamp.

O chwaraeon ar lefel gyffredin i athletwyr elitaidd

Mae gennym gynllun grantiau ar gyfer pob maes yn chwaraeon Cymru felly darllenwch drwy'r tudalennau cyllido i ganfod pa grant sydd fwyaf addas i'ch anghenion.

Er mwyn eich eich helpu i benderfynu, rydym wedi darparu crynodeb o bob grant i chi, a manylion pellach am yr hyn sy'n gymwys a'r hyn sydd ddim.

Angen ychydig o gymorth?

Os ydych dal yn ansicr ynghylch pa grant sydd orau i chi, cysylltwch a'ch swyddfa ranbarthol a fydd yn darparu cyngor a chefnogaeth bellach i chi.

Sylwer, ceir rhai chwaraeon peryglus lle mae'n rhaid i sefydliad sy'n gwneud cais fod yn aelod o'i gorff rheoli perthnasol cyn gwneud cais am grant.

Hysbysebwch eich clwb

Ydych chi eisiau denu aelodau newydd i'ch clwb neu angen gwirfoddolwyr newydd ar frys? Yna beth am anfon manylion eich clwb atom ni ac fe wnawn ni eu hychwanegu at ein map chwaraeon.

Hefyd, oeddech chi'n gwybod bod modd i chi, drwy greu cyfrif FyChwaraeonCymru, hysbysebu eich clwb, eich dosbarthiadau neu eich gwasanaethau ymhlith holl aelodau FyChwaraeonCymru yn y 'Farchnad'.