Grantiau Datblygu

Lottery logoYdych chi eisiau sefydlu tîm newydd, datblygu cyfleusterau ymarfer newydd neu brynu offer y mae ei wir angen er mwyn symud eich prosiect ymlaen i'r lefel nesaf?

Os felly, mae grant sydd rhwng £1,501 a £25,000 ar gael i dalu am yr holl brosiectau uchod, yn ogystal â'r canlynol:

  • Addysg i hyfforddwyr
  • Llifoleuadau at ddibenion hyfforddi
  • Prynu tir neu hawliau ar dir er mwyn datblygu mannau gweithgarwch

  • Grantiau sefydlu i gefnogi mentrau newydd  

Pwy all wneud cais?

Mae'r grant ar gael i unrhyw grŵp, ar yr amod bod ganddo gyfrif banc yn enw'r sefydliad.               

Pwy na all wneud cais?

Yn anffodus, os ydych chi'n aelod o'r cyhoedd, yn ysgol gynradd neu'n gorff cysylltiedig yn trefnu gweithgareddau i blant, neu'n ysgol uwchradd sy'n rhan o'r cynllun 5x60, nid ydych yn gymwys i wneud cais am Grant Datblygu.

Hefyd, ni ellir cyllido'r gweithgareddau a ganlyn:                       

  • Gweithgareddau corfforol fel garddio, DIY, gwelliannau amgylcheddol, dawnsio perfformiad neu sgiliau syrcas
  • Gweithgareddau / prosiectau sy'n bodoli eisoes ac sydd wedi dechrau
  • Prosiectau y credir eu bod yn rhan o gostau rhedeg o ddydd i ddydd arferol sefydliad            
  • Prosiectau wedi'u lleoli y tu allan i Gymru

Neu'r elfennau a ganlyn mewn prosiectau:

  • Cynnal a chadw, atgyweirio neu newid offer neu gyfleusterau presennol (er hynny, rhoddir ystyriaeth i newid offer nad yw'n cydymffurfio bellach â'r ddeddfwriaeth bresennol)         
  • Prynu eitemau personol o offer
  • Arlwyo a lletygarwch      
  • Medalau, tystysgrifau a thlysau
  • Tripiau cartref neu dramor
  • Achlysuron unigryw heb unrhyw gysylltiad â gweithgareddau parhaus

  • Aelodaeth  

 Sut i wneud cais?

Os yw'r grant yma'n swnio'n berffaith i'ch prosiect chi, yna beth am gysylltu â'ch swyddfa ranbarthol agosaf, a fydd yn fwy na pharod i drafod eich prosiect ymhellach gyda chi, neu gallwch lawrlwytho ffurflen gais. Cyn llenwi eich ffurflen gais, gwnewch yn siŵr eich bod yn darllen nodiadau cyfarwyddyd y cynllun am ragor o fanylion ac i sicrhau'r holl wybodaeth gyswllt.                      

Y Ffurflen Gais    

Er mwyn gallu agor y ffurflen gais, bydd rhaid i chi gael Adobe fersiwn 5 drwy 9 (dewiswch y ddolen ar gyfer lawrlwytho'r rhaglen am ddim os nad ydych chi wedi ei lawrlwytho eisoes i'ch cyfrifiadur). Mae'n PDF rhyngweithiol felly rydych yn gallu teipio ynddi'n uniongyrchol. Rydym yn argymell eich bod yn lawrlwytho ac yn arbed eich ffurflen gais i ddreif eich cyfrifiadur chi, fel eich bod yn gallu ei llenwi yn eich amser eich hun.

Wrth lenwi eich ffurflen gais, os ydych chi angen rhagor o wybodaeth am adran, pwyswch y botwm .  Defnyddiwch y botwm  i ddychwelyd i'r adran roeddech yn ei llenwi. Wedi cwblhau'r gwaith, ewch i adran "7.0 Beth Sy'n Digwydd Nesaf?" i wneud yn siŵr eich bod yn anfon y cais i'r lleoliad cywir, er mwyn iddo gael ei brosesu cyn gynted ag y bo modd. Rydym yn argymell eich bod yn cyflwyno eich cais yn electronig, gan nodi enw eich sefydliad ar unrhyw wybodaeth ategol rydych yn ei chyflwyno.                              

DOWNLOADS