Get Set
Am beth ydych chi'n disgwyl? - ymunwch â Get
Set heddiw!
Beth yw Get Set?
Get Set yw rhaglen addysg swyddogol Llundain 2012. Ei nod
yw:
- Ehangu dysgu pobl ifanc ar draws y cwricwlwm cyfan - trwy
chwaraeon, diwylliant ac addysg
- Cefnogi a sbarduno blaenoriaethau ac agendâu addysgol sy'n
bodoli eisoes
- Cynnwys cymaint o blant a phobl ifanc â phosibl yng nghyffro
Gemau Olympaidd a Pharalympaidd Llundain 2012.
- Mynd a hud ac ysbrydoliaeth Gemau Llundain 2012 allan i
ddosbarthiadau, meysydd chwarae a bywydau pobl ifanc ledled y
DU.
- Cynorthwyo plant a phobl ifanc ledled y DU i ddatblygu eu
sgiliau arweinyddiaeth, personol, meddwl a bywyd.
Os hoffech ddarganfod mwy am Get Set, ewch i'r wefan heddiw a gwyliwch y fideo sy'n dangos popeth y mae angen i chi
wybod am Get Set.
Pam ddylai eich ysgol chi ymuno?
A hoffech chi gael tocynnau ar gyfer y Gemau Olympaidd i chi a'r
plant eraill yn eich dosbarth, neu ymweliadau gan athletwyr
neu Wenlock a Mandeville, masgotiaid Llundain 2012?
Os felly, ymunwch â Get Set heddiw gan fo'r
rhain ymhlith y buddion lawer y byddwch yn eu derbyn trwy ymuno â'r
rhwydwaith.
Sut allwch chi gymryd rhan?
Mae ymuno yn hawdd. Gallwch wneud y cwbl ar-lein.
Dilynwch y camau syml hyn i ymuno heddiw:
- Cofrestrwch eich ysgol ar wefan Get Set. Mae cofrestru yn
hawdd. Ar ôl i'ch ysgol gael ei chymeradwyo, byddwch yn derbyn
cadarnhad gan Bwyllgor Trefnu Llundain y Gemau Olympaidd a
Pharalympaidd (LOCOG) eich bod wedi cwblhau'r cam ymuno
cyntaf.
- Yna, bydd angen i chi sicrhau eich bod yn ymuno â rhwydwaith
Get Set er mwyn cael mynediad at yr holl fideos am ddim a'r cyngor
defnyddiol. I ymuno â'r rhwydwaith yn llawn, bydd angen i chi ateb
3 chwestiwn syml - pam wnaethoch chi benderfynu cymryd rhan yn Get
Set? Crynhowch yr hyn rydych chi a'ch myfyrwyr wedi ei wneud/yn ei
wneud i ddangos ymroddiad i'r Gwerthoedd Olympaidd a Pharalympaidd.
A pha gynlluniau sydd gennych i barhau'r gwaith hwn yn y dyfodol?
Gallwch anfon y ffurflen hon drwy'r wefan. Os hoffech weld copi o'r
ffurflen y mae angen i chi ei chwblhau, cliciwch
yma.
- Manteisiwch yn llawn ar yr holl fideos gwych a'r cyngor
defnyddiol ar sut y gallwch sicrhau'r bod Gemau Olympaidd a
Pharalympaidd Llundain 2012 yn cael yr effaith fwyaf bosibl.
Nid oes rhaid i chi fod wedi gwirioni
ar Lundain 2012. Os ydych chi am ailgynllunio eich cwricwlwm cyfan
i'w seilio ar y gemau, yna mae hynny'n wych, ond mae llawer o
bethau syml y gallwch chi eu gwneud hefyd, fel cysylltu'r
gwasanaeth yn yr ysgol â'r gwerthoedd Olympaidd a Pharalympaidd neu
ddefnyddio unrhyw rai o adnoddau ardderchog Bydd Barod sydd ar gael
ar ôl i chi ymuno.
Fe ddywedom ni wrthych na allai fod yn haws, felly am beth ydych
chi'n disgwyl?
Ac i wneud pethau'n haws fyth, mae fideo sy'n eich tywys trwy'r
holl broses, cam wrth gam.
Beth sy'n digwydd ledled Cymru?
Ceir enghreifftiau gwych eisoes o'r ffordd mae ysgolion yng
Nghymru yn cael budd o Get Set. Os hoffech ddarganfod pa ysgolion
sydd wedi ymuno â Get Set ac wedi cymryd y cam cyntaf ar
ôl cael eu derbyn i rwydwaith Get Set, cliciwch
yma. Ac oes nad yw eich ysgol ar y rhestr, pam?
Dyma rai enghreifftiau o sut mae rhai ysgolion yn buddio:
Pecyn Cymorth Llysgenhadon Ifanc:
Gall Llysgenhadon Ifanc Aur ymuno eu hysgolion eu hunain â Get
Set. Felly os ydych chi yn Llysgennad Aur, ewch ati ar unwaith i
ddilyn y cyfarwyddiadau uchod i gofrestru eich ysgol.
Fodd bynnag, nid yw hynny'n golygu na allwch annog ysgolion
eraill yn eich ardal i ymuno, felly rydym wedi rhoi help llaw i chi
trwy ddarparu cyflwyniadau defnyddiol a llythyrau templed i'ch
cynorthwyo i rannu neges Get Set.
Cyflwyniadau:
Llythyrau templed:
Ar ôl i chi ymuno, gallwch hefyd fewngofnodi a chael mynediad at
ffilmiau a chyngor ar sut i hyrwyddo'r cynllun ymhellach.
Hoffech chi ddarganfod mwy?
Os hoffech ddarganfod mwy am Get Set, cysylltwch â'r cynllun yn
uniongyrchol drwy'r wefan neu cysylltwch â Richard Dando
yn Chwaraeon Cymru ar 02920 338375 neu richard.dando@sportwales.org.uk
Ond mae amser yn prysur ddiflannu
Cofiwch, os na fydd eich ysgol yn rhan o'r rhwydwaith erbyn mis
Rhagfyr 2011, yna bydd yn colli'r cyfle i sicrhau tocynnau ar gyfer
Llundain 2012 a chyfleoedd anhygoel eraill.