Os ydych yn ansicr ynghylch y cam i'w gymryd er mwyn bod yn hyfforddwr cymwys, beth am roi cynnig ar gwrs cyflwyniadol i ddechrau.

Dyma ffordd wych o weld sut beth yw hyfforddi, ac a yw'n addas i chi.

Ceir sawl math o gwrs cyflwyniadol, boed yn gyffredinol neu'n benodol i gamp. Mae'r cyrsiau cyffredinol yn cael eu trefnu'n bennaf gan Arweinwyr Chwaraeon a Champau'r Ddraig ac mae'r cyrsiau chwaraeon benodol yn cael eu cynnal gan y Corff Rheoli Cenedlaethol.

Mae Tystysgrif Hyfforddi'r Deyrnas Gyfunol (THDG) yn cymeradwyo rhaglenni addysgu hyfforddi mewn 31 o gampau ledled y DG ac yn gosod maincnod ar gyfer pob hyfforddwr, yn erbyn meini prawf cytunedig, yn cynnwys:

• Rhaglenni ac arferion addysgu hyfforddwyr uwch gyda'r bwriad o helpu hyfforddwyr i gefnogi'r cyfranogwyr a'r perfformwyr a'r timau maent yn eu hyfforddi
• Cefnogi datblygiad hyfforddi fel proffesiwn
• Cefnogi'r cysyniad o welliant parhaus a datblygu arferion da mewn rhaglenni sy'n bodoli eisoes ymhellach
• Safoni a gwella hyfforddi modern yn y DG

I glybiau chwaraeon, bydd THDG yn golygu bod yr hyfforddwyr a ddaw i'ch clwb, neu'r aelodau yr ydych yn eu hyfforddi fel hyfforddwyr, wedi derbyn hyfforddiant i safon gydnabyddedig o fedrusrwydd. I rieni, mae hyn hefyd yn golygu bod pwy bynnag sy'n hyfforddi eu plant wedi'u paratoi'n broffesiynol i ddarparu hyfforddiant priodol.

Sut fydd THDG o fudd i hyfforddwyr?

Mae cyflwyno THDG wedi newid y diwylliant o hyfforddi yn y DG. Mae cydbwysedd wedi'i greu rhwng y sgiliau 'beth i'w hyfforddi' traddodiadol gyda mwy o bwyslais ar sgiliau 'sut i hyfforddi' sylfaenol. Mae#r cymwysterau'n cael eu hachredu hefyd gan yr Awdurdod Cymwysterau a Chwricwlwm ac Awdurdod Cymwysterau'r Alban. Ymhlith y manteision i hyfforddwyr yng Nghymru mae:-

• Gwella'r sgiliau hyfforddi craidd a chwaraeon benodol.
• Llwybr clir i hyfforddwyr sicrhau cynnydd.
• Gwarantu safonau wedi'u hachredu'n genedlaethol wrth gyflwyno, asesu a monitro.
• Safonau hyfforddi'n seiliedig ar fodelau'r DG a modelau rhyngwladol o arfer da.
• Gwell dealltwriaeth o hyfforddi o safon uchel.

Sut mae'n gweithio?

Mae THDG ar gyfer yr holl raglenni addysgu hyfforddwyr. Mae cyfres o safonau wedi'u sefydlu'n genedlaethol ar bob un o'r pedair lefel. Fel rhan o bob lefel, ceir gofynion lleiafswm yn rhoi sylw i bynciau fel arferion hyfforddi, gwyddoniaeth hyfforddi, medrusrwydd dysgu, diogelwch ac amddiffyn; mae'r rhain yn sylfaen gadarn i'r holl ac yn gynyddol drwy bob lefel. Ym mhob camp, mae'r corff rheoli hefyd yn darparu deunydd cyd-destunol fel bod pob cwrs addysgu hyfforddwyr yn uniongyrchol gysylltiedig â natur a gweithgareddau'r gamp honno.

Ceir pedair lefel hyfforddi gydnabyddedig fel rhan o'r rhaglen, a'r ddwy gyntaf fydd o ddiddordeb pennaf i glybiau. Y rhain yw:

• Lefel 1: Cynorthwyo hyfforddwr mwy cymwys i gynllunio a chyflwyno agweddau ar sesiwn, dan oruchwyliaeth
• Lefel 2: Paratoi, cyflwyno ac adolygu sesiwn hyfforddi ar eich pen eich hun
• Lefel 3: Cynllunio, cyflwyno a gwerthuso rhaglen flynyddol o hyfforddi
• Lefels 4: Mae hwn yn cael ei adolygu ar hyn o bryd ac yn ymwneud â hyfforddi proffesiynol a dulliau hyfforddi blaengar

Pwy sy'n gweithredu THDG?

sports coach UK yw'r asiantaeth genedlaethol sy'n gufrifol am ddatblygiad cyffredinol y cynllun a'r cynghorau chwaraeon ym mhob un o'r pedair gwlad yn y DG sy'n gyfrifol am y gwaith cydlynu yn eu gwlad. Fodd bynnag, ym mhob camp, y Corff Rheoli sy'n gyfrifol am ddatblygu a chyflwyno'r rhaglenni addysgu hyfforddwyr oddi mewn i'r gamp honno.

Mae'r Cyrff Rheoli sy'n cymryd rhan yn y cynllun yn adolygu ac yn ymestyn eu rhaglenni addysgu hyfforddwyr presennol ac yn datblygu deunyddiau newydd, er mwyn sicrhau bod modd cymeradwyo'r rhaglenni hyn yn erbyn safonau THDG.

Mae chwaraeon, a hyfforddi'n arbennig, yn newid drwy'r amser ac mae hynny'n her i bawb cysylltiedig. Cydnabyddir hyfforddwyr fel rhan gwbl allweddol o chwaraeon ac mae'n bwysig bod ganddynt yr wybodaeth ddiweddaraf am y datblygiadau a'r hyfforddiant diweddaraf, er mwyn sicrhau eu bod yn darparu'r amgylchedd priodol ar gyfer y rhai maent yn eu hyfforddi.

Boed newydd ddechrau fel hyfforddwr neu wedi bod yn hyfforddi ers blynyddoedd lawer, mae'n bwysig iawn dal ati i ddysgu, datblygu a chael hyd i ffyrdd newydd a chreadigol o ddysgu, gwella a thyfu.

Ceir sawl peth y gallwch ei wneud er mwyn gwella eich hyfforddi; nid yw Datblygiad Proffesiynol Parhaus (DPP) yn golygu bod raid i chi ddal ati i symud ymlaen i lefel nesaf y cymhwyster, gall mynychu seminar neu weithdy neu gysgodi hyfforddwyr eraill a darllen erthyglau a chyfnodolion fod yn DPP hefyd, a'ch helpu i sicrhau gwell adnoddau a dod yn hyfforddwr mwy medrus.

Felly rydych eisiau mynychu cyrsiau a gweithdai hyfforddi. Mae gennych amser ac ymroddiad, ond nid arian efallai ... peidiwch â phoeni, ceir sawl ffordd o sicrhau cyllid ar gyfer addysg a hyfforddiant i hyfforddwyr.

Ewch i'n tudalen am gyllid a chefnogaeth am ragor o wybodaeth

Siwrnai Hyfforddwr

Mae gweithdai sports coach UK (scUK) ar gyfer pob lefel o hyfforddwr sydd eisiau dysgu gwybodaeth bellach am bwnc hyfforddi arbennig ac mae gweithdai rhedeg chwaraeons ar gyfer gwirfoddolwyr ac amgylchedd clwb yn bennaf.

Mae rhaglen scUK o weithdau'n darparu ar gyfer hyfforddwyr o bob gallu. Mae'r gweithdai o gymorth i adeiladu ar y lefelau/cymwysterau hyfforddu presennol e.e. THDG ac mae teitlau'r gweithdai wedi cael eu datblygu er mwyn helpu gyda Datblygiad Proffesiynol Parhaus (DPP). Fe'u cyflwynir gan diwtoriaid hynod brofiadol ac maent yn hawdd i'w haddasu i anghenion dysgu arbennig ac i arddull y gynulleidfa.

Rhennir gweithdai scUK yn bedair cyfres:

• Safonau Gweithredu Lleiafswm
• Cynnwys ac Amrywiaeth
• Cynllunio a Datblygiad Plant
• Crefft Hyfforddi

Safonau Gweithredu Lleiafswm

Diffinnir safonau gweithredu lleiafswm fel gofynion sy'n berthnasol i bob hyfforddwr waeth beth yw lefel ei gymhwyster neu ei gamp ac fe'u hystyrir fel y safonau sylfaenol y mae hyfforddwr angen eu bodloni er mwyn gweithio'n ddiogel ac yn effeithiol.

Sylfeini Symud

Mae'r blynyddoedd cynnar mewn bywyd yn gyfleoedd delfrydol i blant ddysgu datblygu llythrennedd corfforol allweddol sy'n cael effaith ar eu gallu i chwarae ac, mewn rhai achosion, rhagori mewn chwaraeon yn nes ymlaen yn eu hoes.

Drwy symud drwy'r gyfres hon o weithdai, byddwch yn y sefyllfa orau posibl i sicrhau eu bod yn gallu cymryd rhan mewn chwaraeon a chyrraedd eu potensial.

Felly pa weithdai scUK sydd ar gael a beth yw eu cynnwys?

gweithdai rhedeg chwaraeon

Mae adnoddau / gweithdai rhedeg chwaraeon ar gyfer unrhyw un sy'n gweithio neu'n gwirfoddoli mewn clwb chwaraeon neu amgylchedd cymunedol ac sydd eisiau gwella ei wybodaeth a'i sgiliau - yn cynnwys gwirfoddolwyr unigol, rheolwyr clybiau, swyddogion a chydlynwyr.

Rhennir y gweithdai'n dair brif elfen:

• Rheoli a Gweinyddu
• Cyllid a Chyllido
• Gwirfoddolwyr a Rheoli Gwirfoddolwyr

Felly pa weithdai rhedeg chwaraeon sydd ar gael a beth yw eu cynnwys?

Nawr eich bod wedi darllen am yr holl gyrsiau sports coach UK a rhedeg chwaraeon sydd ar gael i chi neu eich tim neu eich clwb, beth am archebu un o'r gweithdai niferus yn eich ardal leol.

I archebu lle i chi eich hun ar un o'r cyrsiau a restrir, ffoniwch y cyswllt perthnasol ar gyfer ardal yr awdurdod lleol.

Gweld Calendr y Gweithdai ledled Cymru

Os nad ydych yn gweld gweithdy edi'i restru ac os hoffech wybodaeth bellach am sut i fynd ati i drefnu un ar gyfer eich clwb / camp, cysylltwch a:

Luke Williams Swyddog Cefnogi'r Prosiect Datblygu Pobl a Rhaglenni  
E-bost: luke.williams@sportwales.org.uk

Addysg Hyfforddwyr Gogledd Cymru

 "Galwad i Weithredu" Gogledd Cymru"

Pam cyfranogi?

Mae Chwaraeon Cymru yn anelu at gael 10% o oedolion i gymryd rhan mewn gwirfoddoli a hyfforddi chwaraeon erbyn 2016.
Mae hynny'n golygu dyblu'r nifer bresennol o hyfforddwyr a gwirfoddolwyr i'r nifer uchaf erioed o bron i 250,000. Os gallwn gyflawni hyn, dylem alluogi pawb sy'n cymryd rhan mewn chwaraeon yng Nghymru i gael gafael ar hyfforddwr â sgiliau priodol. Mae hynny'n rhan o'n hymdrechion sydd ohoni i gael pob plentyn i ymddiddori mewn chwaraeon am oes, gan greu cenedl o bencampwyr. 

Am fwy o wybodaeth am Addysg Hyfforddwyr yng Ngogledd Cymru, cysylltwch â: Kirsty Percival, Swyddog Addysg Hyfforddwyr trwy ebostio k.percival@glyndwr.ac.uk neu 07738 219863

Cyrsiau yng Ngogledd Cymru

Hydref | Tachwedd | Rhagfyr | Ionawr


Gwefannau Awdurdodau Lleol Gogledd Cymru

Cyngor Bwrdeistref Sirol Conwy

Cyngor Sir Ddinbych

Cyngor Sir y Fflint

Cyngor Gwynedd

Cyngor Sir Ynys Môn

Cyngor Bwrdeistref Sirol Wrecsam

Gallwch drefnu eich gweithdy drwy lenwi ffurflen archebu ar-lein yn awr. Fel dewis arall, gallwch lawrlwytho'r ffurflenni archebu isod:                                  

 
Sports Coach UK
Os hoffech drefnu Gweithdy Sports Coach UK, llenwch y ffurflen archebu a'i hanfon drwy e-bost at luke.williams@chwaraeoncymru.org.uk  

Rhedeg Chwaraeon
Os hoffech drefnu Gweithdy Rhedeg Chwaraeon, llenwch y ffurflen archebu a'i hanfon drwy e-bost at luke.williams@chwaraeoncymru.org.uk  

Mae copi o'r telerau a'r amodau ar gael fel rhan o lawrlwythiadau'r ffurflen archebu.

Cyflwyno'r Strategaeth Hyfforddi a Gwirfoddoli - Ydy'r adnoddau priodol gennych chi?                      

Dydd Iau 31^ain Mawrth 2011

Os yw Chwaraeon Cymru am gyflawni'r weledigaeth o gael "Pob Plentyn Wedi Gwirioni ar Chwaraeon am Oes" a chreu "Cenedl o Bencampwyr", mae'n rhaid wrth gynnydd sylweddol yn nifer yr hyfforddwyr a'r gwirfoddolwyr o safon sy'n gweithio mewn cymunedau lleol.

O gadw hyn mewn cof, cynhaliodd swyddfa ranbarthol Chwaraeon Cymru yn y De Orllewin weithdy peilot ar y 31^ain Mawrth 2011, gan dargedu swyddogion datblygu chwaraeon o awdurdodau lleol a chyrff rheoli chwaraeon cenedlaethol. Canolbwyntiodd y gweithdy ar yr hyn y mae'n rhaid ei wneud er mwyn dyblu nifer yr hyfforddwyr a'r gwirfoddolwyr gweithredol, a pha adnoddau all helpu gyda'r gwaith, fel nad ydym ni i gyd yn ailddyfeisio'r olwyn.

Canlyniadau'r gweithdy   

• Adolygu'r Strategaeth Hyfforddi a Gwirfoddoli Genedlaethol 2010-2016
• Cydnabod y ffactorau allweddol y tynnwyd sylw atynt gan y gwaith ymchwil   
• Datgan pob mater a her yn y pedwar maes gweithredu yn y strategaeth: recriwtio, hyfforddi, defnyddio a chadw
• Trafod a datblygu syniadau ac atebion er mwyn gyrru'r strategaeth yn ei blaen
• Datgan y sgiliau sydd eu hangen er mwyn gweithio'n effeithiol wrth ddatblygu gwirfoddolwyr
• Datblygu cynllun gweithredu er mwyn mynd ati i ddatblygu a chefnogi gwirfoddolwyr

 Defnyddiwyd y dogfennau a ganlyn yn ystod y dydd 

Cyflwyniadau

• Richard Harry, Uwch Swyddog gyda Chwaraeon Cymru - Beth mae'r ymchwil yn ei ddweud wrthym?

• Karen Arnold, tiwtor - Sleidiau Tiwtoriaid

Taflenni

• Gwybodaeth Gweithdai
• Strategaeth Hyfforddi a Gwirfoddoli
• Peidiwch ag ailddyfeisio'r olwyn - gwefannau defnyddiol

• Holi'r rhieni - Clwb Pêl Droed Brickfield Rangers

Arall

• Crynodeb Ymarfer