Yn Sister ar Ward yn ystod y dydd yn Ysbyty Gyffredinol Gorllewin Cymru yng Nghaerfyrddin, mae Anwen yn llwyddo i ymdopi â'i gwaith gyda theulu ifanc a gyrfa fowlio lwyddiannus.

Mae hi eisoes wedi profi llwyddiant yng Ngemau'r Gymanwlad - enillodd yr efydd yn y parau ym Manceinion yn 2002 ac eto yn Delhi yn 2010 gyda phartner newydd, Hannah Smith, sydd hefyd o Gaerfyrddin. 

Mae ei gyrfa ddisglair hefyd yn cynnwys ennill yr aur yn y pedwarawdau ym Mhencampwriaethau'r Iwerydd yn 2009. Flwyddyn ynghynt, cipiodd yr efydd, yn y tripledi y tro hwn, ym Mhencampwriaethau Bowlio'r Byd 2008.

Dechreuodd y cyfan pan oedd Anwen yn ddim ond 13 oed - dilynodd ei rhieni i'r gêm a dyw hi heb edrych yn ôl byth ers hynny. Mae hi bellach yn parhau â'r traddodiad teuluol drwy annog ei phlant hi ei hun, Alis a Hari, i chwarae.