Mae Malcolm wedi bod yn amlwg yn y byd athletau ers nifer o
flynyddoedd ac mae'n dal i gyflawni ar y lefelau
uchaf.
Yn 2010, enillodd fedal efydd yn y 200m yn y Gemau Cymanwlad. Yn
Beijing yn 2008, roedd yn herio Usain Bolt yn rownd derfynol y
200m. Gorffennodd yn bumed yn rownd derfynol gyflymaf erioed y 200m
yn y Gemau Olympaidd.
Cyrhaeddodd y llwyfan rhyngwladol yn Zurich yn 1997 pan gurodd
yr enwog Carl Lewis. 12 mis yn ddiweddarach, syfrdanodd y genedl
drwy gipio arian y 200m yng Ngemau Cymanwlad Kuala Lumpur a
gosododd record iau Ewropeaidd a record hŷn yng Nghymru ar yr
un pryd.
Yn 21 oed, cyrhaeddodd rowndiau terfynol Gemau Olympaidd Sydney
pan orffennodd yn bumed a rhedeg gydag anaf yn 2002 i ddod yn
4ydd yn y Gemau Cymanwlad ym
Manceinion.
Cyn Gemau Olympaidd Athen yn 2004, bu'n rhaid i'r sbrintiwr o
Gasnewydd - a gafodd dreialon gyda QPR a Nottingham Forest pan oedd
yn iau - fynd i'r ysbyty oherwydd methiant ei arennau yn ystod ei
baratoadau yng ngwersyll ymarfer Tîm PF yng Nghyprus.
Er gwaetha'r anhwylder difrifol hwn, fe gystadlodd Malcolm a
llwyddodd i gyrraedd rowndiau cyn-derfynol y 200m.