Cafodd Cymru bleser o'r mwyaf yn gwylio Greene yn hawlio ei fedal aur yng Ngemau Cymanwlad 2010. Cwblhaodd dymor buddugoliaethus iddo ym Mhencampwriaethau Ewrop, Cwpan Ewrop a Chwpan Gyfandirol yr IAAF.

Yn 2011, profodd uchafbwynt ei yrfa hyd yma: aur ym Mhencampwriaethau'r Byd. Daeth y fuddugoliaeth yn Daegu gyda pherfformiad pwerus a hyderus i drechu Javier Culson.

Hefyd cafodd ei anrhydeddu ar ddiwedd tymor hir 2010 gan Gymdeithas Newyddiadurwyr Chwaraeon Prydain am Berfformiad Nodedig y Flwyddyn.

Cyflwynwyd ef i athletau am y tro cyntaf yn Ysgol Gynradd Penygaer ond ni ddechreuodd ymarfer o ddifrif nes iddo fynd i APCC yn 19 oed ac ymuno â chriw hyfforddi Darrell Maynard. Graddiodd mewn Rheolaeth Hamdden a Chwaraeon yn 2008. Mae bellach wedi'i leoli ym Mhrifysgol Caerfaddon ac yn hyfforddi gyda Malcolm Arnold.

Sgoriodd gôl yn erbyn tîm ieucndtid Real Madrid unwaith, pan oedd yn chwarae i ieuenctid Dinas Abertawe.