Yn focsiwr hyderus gydag ergyd enwog a sgiliau i gyd-fynd â hi, gwelwyd potensial Evans yn fuan iawn yn ei yrfa focsio, wedi sawl perfformiad rhyngwladol trawiadol ar lefel iau. Mae ei gyflawniadau'n cynnwys medal aur ym Mhencampwriaethau Cadet Ewrop yn Hwngari yn 2007.

Yn 2008, ef oedd un o'r unig dri bocsiwr addawol a gafodd eu hedfan gan Gymdeithas Olympaidd Prydain i Beijing yn ystod y Gemau Olympaidd, fel rhan o'r Cynllun Uchelgais Olympaidd. Teithiodd i Delhi ar gyfer Gemau Cymanwlad 2010.

Mae Jim Davison, Hyfforddwr y Sgwad Datblygu, yn disgrifio Fred fel "bocsiwr dewr, talentog iawn a phrofiadol sy'n dal ei dir yn braf yn y sgwad datblygu, ac yn agos iawn at dorri drwodd i'r podiwm."

Ymhlith uchafbwyntiau ei yrfa hyd yma mae ennill medal aur ym Mhencampwriaethau Ewrop ym mis Mehefin 2011. Ochr yn ochr â'r Cymro arall, Andrew Selby, nhw oedd y Cymry cyntaf i fod yn Bencampwyr Ewrop ers 86 o flynyddoedd.                        

Yn 6^ed yn y byd, Evans oedd y bocsiwr cyntaf i gymhwyso ar gyfer Gemau Olympaidd Llundain 2012 drwy gyrraedd rowndiau go-gyn-derfynol Pencampwriaethau Bocsio Amatur y Byd yn 2011 yn Azerbaijan.

Ychwanegodd y gŵr 21 oed fedal arall at ei gasgliad drwy ennill yr aur yng Nghwpan Strandja ym mis Chwefror 2012.

Ei hyfforddwr clwb yw Tony Borg.