Ymddangosodd Jazz Carlin yn y byd nofio ar ôl gwneud enw iddi hi ei hun ochr yn ochr â thalent euraid PF, Rebecca Adlington.

Cystadlodd y nofwraig o Abertawe dros PF ym Mhencampwriaethau'r Byd yn Rhufain yn 2009 yn y Dull Rhydd 4x200m fel rhan o dîm a oedd yn cynnwys enillwyr medalau yn Beijing, sef Jo Jackson a Rebecca Adlington. Nid yn unig y daethant adref gyda'r fedal efydd, ond hefyd gyda record Ewropeaidd a Phrydeinig newydd.

Cyflwynwyd Jazz, a aned yn Swindon, i'r pwll am y tro cyntaf pan aeth ei thad â hi i'r pwll lleol yn ddim ond 10 mis oed. O'r fan honno, ymunodd â chlwb lleol yn ddim ond pump oed ac yna symudodd i Gymru i ymarfer gyda Sgwad Perfformio Abertawe yn 16 oed.           

Mae hi wedi bod yn cystadlu er pan mae'n 11 oed ac felly mae'n gyfarwydd iawn â llawer o sylw. Cystadlodd dros Gymru yng Ngemau Cymanwlad 2006 ym Melbourne a daeth yn wythfed yn rownd derfynol yr 800m Dull Rhydd. Mae hi wedi cystadlu yn India dros Gymru ddwywaith, yng Ngemau Ieuenctid y Gymanwlad yn 2008 yn Pune ac yng Ngemau Cymanwlad Delhi 2010, ble enillodd fedal arian yn y 200m a medal efydd yn y 400m.

Ym Mhencampwriaethau Prydain ym mis Mawrth 2011, gosododd y ferch 21 oed oreuon personol a recordiau ar lefel Cymru yn y 400m a'r 800m dull rhydd i gymhwyso am Bencampwriaethau Byd 2011 yn Shanghai yn y mis Gorffennaf.