Dechreuodd Natalie Powell gymryd rhan mewn jiwdo yn ddim ond wyth oed ac ar ôl dim ond blwyddyn o hyfforddiant, dechreuodd gystadlu yn naw oed.  

Cafodd ei chyflwyno i'r gamp gan ffrindiau ac mae'r ferch 21 oed wedi hoelio sylw'r cyhoedd yn ystod y 12 mis diwethaf ar ôl llu o ganlyniadau llwyddiannus. Yn 2011, enillodd yr aur yng Nghwpan Ewrop ym Malaga a chipiodd deitlau yn Nhreialon Prydain a Gemau Ysgolion y DU.  

Yn cael ei hyfforddi gan Craig Ewers, mae Natalie yn ymarfer deirgwaith y dydd yng Nghanolfan Genedlaethol Chwaraeon Cymru ac mae'n breuddwydio am ennill yr aur yng Ngemau Cymanwlad Glasgow 2014 a chystadlu dros Dîm PF yn y Gemau Olympaidd.