Mae gan Nathan siawns dda o ennill medal yng Ngemau Paralympaidd Llundain 2012. Methodd seren y byd gwaywffon â chipio medal yng Ngemau Paralympaidd Beijing yn 2008. Gwnaeth iawn am hynny drwy ennill yr aur ym Mhencampwriaethau Athletau'r Byd y Pwyllgor Paralympaidd Rhyngwladol yn Seland Newydd yn 2011.

Roedd 2011 yn flwyddyn dda i Nathan wrth iddo dorri Record Byd dosbarth F57 y waywffon gyda phellter gorau o  41.37m yng Ngornest Athletau Agored Y Weriniaeth Tsiec yn Olomouc ym mis Awst.

Mae hyn yn ei wneud yn ffefryn pan ddaw'r Gemau i Lundain yn 2012.

Cyn ymroi i athletau, dangosodd Nathan addewid mewn nifer o chwaraeon. Teithiodd i Gemau Paralympaidd y Gaeaf yn Turin yn 2006 hyd yn oed, fel aelod o dîm hoci sled PF.                                   

Er mai ei brif ddisgyblaeth yw'r waywffon, mae ganddo siawns o gymhwyso gyda'r ddisgen hefyd.

Ar ei ben blwydd yn naw oed, fel rhan o gêm herio ffôl fel y dywed, ceisiodd Nathan neidio ar drên nwyddau. Collodd ei goes chwith wrth ei glun a'i goes dde uwch ben y pen-glin.