Meddygaeth Chwaraeon ac Ymarfer

Mae ein hadran Meddygaeth Chwaraeon yn cyflwyno gwasanaeth o safon byd, yn cynnwys meddygaeth chwaraeon, ffisiotherapi a thylino (therapi meinwe meddal) i'r amrywiaeth eang o chwaraeon a gyllidir gan Chwaraeon y DG neu Chwaraeon Cymru.

Meddygaeth Chwaraeon

Mae Meddygaeth Chwaraeon ac Ymarfer yn cynnwys gofal meddygol i anaf a salwch mewn chwaraeon, ar gyfer cyfranogwyr elitaidd a hamdden o bob oed.   

Mae gan ein ffisegwyr chwaraeon brofiad a gwybodaeth helaeth am ofynion penodol gwahanol gampau ac maent yn deall anghenion athletwyr sydd wedi cael anaf neu sy'n sâl i wella a dychwelyd at eu lefel gymryd rhan flaenorol cyn gynted ag y bo modd ac mor ddiogel ag y bo modd. Mae gan y ffisegwyr chwaraeon amrywiaeth eang o sgiliau clinigol, gwybodaeth am archwiliadau priodol i sicrhau diagnosis manwl gywir a hefyd ymwybyddiaeth o'r technegau a'r protocols trin diweddaraf (yn cynnwys therapi brechiadau).

Yn Athrofa Chwaraeon Cymru, mae Dr Mark Ridgewell yn Ffisegydd Chwaraeon gyda mwy na 18 mlynedd o brofiad yn gweithio gydag amrywiaeth eang o chwaraeon elitaidd, ar lefel genedlaethol a rhyngwladol.

Mae'n gweithio'n agosâ'r ffisiotherapyddion a'r adran gwyddoniaeth chwaraeon er mwyn darparu i athletwyr Cymru'r gwasanaeth Meddygaeth Chwaraeon ac Ymarfer o'r safon uchaf.                       

Ers sefydlu Meddygaeth Chwaraeon ac Ymarfer fel arbenigedd yn 2006, bydd y galw am ddarparu hyfforddiant o'r safon uchaf i feddygon dan hyfforddiant yn cynyddu yn ystod y blynyddoedd nesaf.

Ffisiotherapi

Mae dau amcan i waith y ffisiotherapyddion - yn RHAGWEITHIOL maent yn gweithio tuag at atal anafiadau ac yn ADWEITHIOL maent yn asesu ac yn trin anafiadau, gan ddarparu gwasanaeth adfer i'r athletwyr hynny nes eu bod yn gallu cymryd rhan lawn unwaith eto yn eu hymarfer a'u cystadlaethau.

O ran atal anafiadau, mae Athrofa Chwaraeon Cymru'n cynnig proffilio cyhyrysgerbydol deinamig yn benodol i bob camp / athletwr, gan ddefnyddio dadansoddiad fideo a meddalwedd yn galluogi adborth mwy penodol. Mae'r proffilio'n arwain at ganfod 'dolennau gwan' neu fannau posibl a allai anafu'n rhwydd, neu ddim ond yn gwella patrymau symud er mwyn datblygu sgiliau'n well.                                                            

Mae'r ffisiotherapyddion yn gweithio'n agos ag athletwyr a hyfforddwyr a hyfforddwyr cryfder a siapio er mwyn sicrhau eu bod mewn gwell sefyllfa i osgoi anafiadau dro ar ôl tro - gan eu helpu i adnabod yr arwyddion a chyflwyno ymarferion er mwyn rhoi sylw i'r broblem yn gynharach. Mae rhoi sylw i faterion fel hyn yn sicrhau perfformiadau optimwm ac yn helpu i osgoi anafiadau.

Mae ffisiotherapyddion Athrofa Chwaraeon Cymru'n ymateb yn gyflym ac yn effeithlon wedi anaf, ac yn gweithio'n agos â'n tîm o arbenigwyr er mwyn sicrhau bod yr athletwr yn cael ailddechrau ymarfer a chystadlu cyn gynted ag y bo modd.                

Nid yw ffisiotherapydd yn gweithio ar ei ben ei hun; yn hytrach mae'n defnyddio arbenigedd yr hyfforddwr, yr hyfforddwr cryfder a siapio a'r meddyg chwaraeon er mwyn cyflawni hyn. Gellir trin athletwyr mewn clinig trin a champfa adfer, neu mewn lleoliad ymarfer a / neu gystadlu h.y. ochr y trac, y pwll neu'r cwrt.       

Tylino mewn Chwaraeon

Mae Tylino mewn Chwaraeon yn derm a ddefnyddir gyda'r ddisgyblaeth o ddefnyddio tylino er budd penodol i gyfranogwyr chwaraeon.                          

Mae'n cynnwys rheoli, trin ac adfer y meinwe meddal yn y corff, ee y cyhyrau, y ligamentau a'r gewynnau. Mae tylino mewn chwaraeon yn cael ei addasu i anghenion pob unigolyn er mwyn cael effaith gadarnhaol ar allu rhywun i berfformio.

O'i ddefnyddio'n gywir, gall y tylino chwarae rhan bwysig mewn helpu i adfer wedi ymarfer a chystadlu, a pharatoi ar eu cyfer. Gall helpu hefyd gyda chyn-adfer ac atal unrhyw dueddiad i anafu.                                            

Waeth beth yw'r gamp, yr oedran neu'r rhyw, bydd gan dylino rywbeth i'w gynnig i bawb, ar y cyd ag agweddau eraill ar raglen ffitrwydd/adfer/cryfder a siapio.                                

Mae ymarferwyr tylino Chwaraeon Cymru'n cyflawni technegau targed ac effeithiol gyda meinwe meddal ac yn gweithio mewn ffordd ryngddigyblaethol gyda ffisiotherapyddion a meddygon chwaraeon. Maent yn chwarae rhan bwysig yn amgylchedd aml-ddisgyblaeth Chwaraeon Cymru sy'n ceisio darparu'r gefnogaeth gorau posibl i athletwyr unigol.                              

Mae'r dull integredig o weithredu a fabwysiedir yma yn Athrofa Chwaraeon Cymru'n darparu llwyfan cadarn i athletwyr i'w cefnogi eu hunain a datblygu hyd eithaf eu gallu.