Cyfleuster aml-bwrpas

Defnyddir ein cyfleusterau dan do ac awyr agored gan fwy na 30 o gyrff rheoli chwaraeon Cymru, yn cynnwys Ffederasiwn Chwaraeon Anabledd Cymru. Mae'r ganolfan yn cynnal cystadlaethau rhyngwladol yn rheolaidd, a gwersylloedd hyfforddi, addysg hyfforddwyr, hyfforddiant cymwysterau a hyfforddiant i athletwyr unigol. Mae'r cyfleusterau ar gael at ddefnydd y gymuned hefyd.

Prif gyrff chwaraeon i gyd o dan yr unto

Mae'r Ganolfan yn ganolfan weinyddol i Chwaraeon Cymru, Athrofa Chwaraeon Cymru, nifer o gyrff rheoli chwaraeon Cymru a sefydliadau chwaraeon eraill, fel Cyngor Gemau'r Gymanwlad Cymru.

Mae gan y Ganolfan gysylltiadau teithio rhagorol yn agos iawn at yr M4 (cyffordd 29 neu 33) a dim ond 15 munud ar droed o'r prif orsafoedd tenau a bysus a dim ond 30 munud mewn car o Faes Awyr Rhyngwladol Caerdydd.

Yn 1961, wedi cynhadledd yng Nghaerdydd, cynhadliodd Pwyllgor Cymru o'r Cyngor Hamdden Gorfforol Canolog arolwg ar y cyfleusterau chwaraeon a hamdden presennol.

Enw'r arolwg yw 'Cyfleusterau Chwaraeon yng Nghymru' ac fe'i cyhoeddwyd yn 1964, gan ddod i'r casgliad bod 'yr holl gyrff rheoli chwaraeon wedi pwysleisio annigonolrwydd y cyfleusterau dan do ar gyfer hyfforddi, ymarfer a chystadlu ar bob lefel. Rydym yn teimlo bod tystiolaeth hynod gred o blaid yr angen am ganolfan chwaraeon genedlaethol, aml-bwrpas ar gyfer Cymru a fydd yn darparu cyfleusterau ar gyfer hyfforddi hyfforddwyr ac arweinwyr, hyfforddiant ar bob lefel a chystadlaethau rhyngwladol.'

Ffurfio Cyngor Chwaraeon Cymru

Fis Ionawr 1965, sefydlwyd y Cyngor Chwaraeon gan y Llywodraeth dan gadeiryddiaeth Mr Denis Howell, yr Is-Ysgrifennydd Seneddol i'r Adran Addysg a Gwyddoniaeth gyda chyfrifoldeb penodol am chwaraeon ac ym mis Hydref 1965, trefnodd y Pwyllgor gynhadledd i sefydlu Cyngor Chwaraeon Cymru.

Yn ddiweddarach, o ganlyniad i waith a wnaed gan y Cyngor Chwaraeon ymgynghorol a Chyngor Chwaraeon Cymru annibynnol, cwbl hunanreolaethol ar y pryd, dewiswyd safle yng Nghaerdydd a dechreuwyd ar y gwaith adeilad yn1969. Mr Denis Howell, y Gweinidog dros Dai a Llywodraeth Leol bryd hynny, roddodd gychwyn i'r gwaith adeiladu drwy dorri'r dywarchen gyntaf, nid gyda rhaw arian arferol ond drwy reoli tyllwr Caterpillar.

Agoriad Brenhinol

Agorwyd Canolfan Chwaraeon Genedlaethol Cymru, fel roedd yn cael ei galw bryd hynny, ar y 30ain Hydref 1971, yn swyddogol gan Ei Mawrhydi Brenhinol y Dywysoges Anne ar y 12fed o Fehefin 1972.

Ailenwyd y ganolfan yn Athrofa Chwaraeon Cymru yn 1994 a daeth yn Ganolfan Genedlaethol Chwaraeon Cymru fis Ebrill 2010. Mae'n eiddo i Chwaraeon Cymru ac yn cael ei weithredu gan y sefydliad hwn.

Mae'r ganolfan yn rhan o rwydwaith o gyfleusterau sy'n ceisio sicrhau bod Cymru'n gallu cystadlu ar y llwyfan rhyngwladol.

Yn ychwanegol at gefnogi cyrff rheoli chwaraeon cenedlaethol, mae'r cyfleusterau ar gael i'r gymuned hefyd.

Ein nod yw darparu gwasanaeth effeithlon ac effeithiol drwy bennu safonau a fydd yn cael eu monitro'n rheolaidd, gyda'r canlyniadau ar gael i bwb eu gweld. Croesawn eich adborth ac os oes gennych unrhyw bryderon neu sylwadau, siaradwch ag aelod o staff neu cwblhewch ffurflen sylwadau'r cwsmeriaid.

Gallwch lawrlwytho copi o'n Siarter Gwasanaethau'r Cwsmer yma. Hefyd, gallwch lawrlwytho copi o'n canlyniadau yma.

Dywedwch wrthym beth ydych yn ei feddwl

Fel rhywun sy'n defnyddio ein gwasanaethau, rydym yn croesawu eich sylwadau a'ch awgrymiadau, darperir ffurflenni sylwadau'r cwsmeriaid i'r diben hwn mewn lleoliadau amrywiol ledled yr adeilad, ac fe hoffem glywed gennych.

Rydym eisiau diwallu eich anghenion a gyda'ch cymorth chi, fe allwn barhau i wella ein gwasanaethau.

Fodd bynnag, o dro i dro, ceir rhai problemau. Os ydych eisiau mynegi unrhyw bryder yna mae croeso i chi drafod eich pryderon ag aelod o staff.

Os ydych yn anfodlon o hyd,  ceir gweithdrefnau i'w defnyddio i ffurfioli'r broses, fel a ganlyn:-

• Cysylltwch â desg y Dderbynfa.
• Cwblewch ffurflen sylwadau'r cwsmeriaid. Gellir cyflwyno hon yn y dderbynfa neu ei phostio at y Rheolwr, Canolfan Genedlaethol Chwaraeon Cymru, Gerddi Sophia, Caerdydd, CF11 9SW.
• Cysylltwch â'r Pennaeth Adran priodol.

1. Gwasanaethau'r Cwsmer 029 2033 8230

2. Gwasanaethau Arlwyo a Chadw Tŷ 029 2033 8222

3. Gweithrediadau 029 2033 8302

Bydd raid i chi roi'r manylion a ganlyn: enw, cyfeiriad, rhif ffôn yn ystod y dydd a manylion y gŵyn ei hun.

Cwynion Llafar

Byddwn yn ceisio rhoi sylw i gwynion llafar ar unwaith. Os na allwn ni, bydd eich cwyn yn cael ei chofnodi ac ymchwilir iddi gan Bennaeth yr Adran. Cysylltir â chi o fewn 10 niwrnod gwaith gydag ateb.

Cwynion Ysgrifenedig

Bydd eich cwynion yn cael eu cydnabod o fewn 2 ddiwrnod gwaith. Cofnodir y gŵyn ac ymchwilir iddi. Byddwch yn derbyn ateb ysgrifenedig, neu cysylltir yn uniongyrchol â chi gan y swyddog ymchwilio, o fewn 10 niwrnod gwaith.

Os yw'r gŵyn yn galw am ymchwiliad pellach, byddwn yn rhoi gwybod i chi am gynnydd ymchwiliad o'r fath.

Mae Canolfan Genedlaethol Chwaraeon Cymru'n gweithredu Cynllun Iaith Gymraeg ac yn croesawu gohebiaeth a chyfathrebu drwy gyfrwng y Gymraeg.

Ein nod yw gwneud y ganolfan mor hwylus ag y bo modd i bawb

• Croesewir cŵn cymorth
• Toiledau hwylus i bobl anabl
• Mynediad mewn cadair olwyn
• Cyfleusterau mynediad i bobl ag anawsterau symud
• Dolen glywed yn y dderbynfa a dolen glywed symudol ar gael
• Yn anffodus, nid yw llety'r llawr cyntaf a'r trydydd llawr yn cynnig mynediad i ddefnyddwyr cadair olwyn ar hyn o bryd.

Y Tu Allan

• Chwe bae parcio i'r anabl, oddeutu 30 metr oddi wrth y brif fynedfa.
• Drysau mynediad awtomatig a rampiau i gyrraedd atynt.

Y Mynediad y Tu Mewn

• Mae mwyafrif y llawr isaf yn fflat, gyda ramp fechan mewn un man.
• Mae golau da yn y prif fannau.
• Mae cownter yn gostwng yn y dderbynfa, a dolen glywed.

Lifftiau

• Mae lifft fawr yn cysylltu â'r ddau lawr uwch o'r dderbynfa.
• Nid yw'r lifft yma'n chwarae unrhyw gerddoriaeth gefndir.
• Nid oes raid rhoi gwybod i'r staff er mwyn defnyddio'r lifft.
• Mae golau da yn y lifft.
• Nid oes cyhoeddiadau sain yn y lifft.
• Nid oes marciau Braille yn y lifft.

Cyfleusterau Preswyl

• Ceir dwy ystafelll wely en-suite, rhyng-gysylltiol yn addas i gadair olwyn, ar yr ail lawr, yn caniatáu gofod trosglwyddo i'r toiled a'r gwlâu. Mae gan yr ystafelloedd hyn gyswllt ffôn uniongyrchol â'r Dderbynfa.
• Mae system y larwm tân yn cynnwys goleuadau a sain.
• Ceir system larwm cymorth yn yr ystafelloedd gwely gyda mynediad i gadair olwyn.
• Ym mhob ystafell ceir tegellau di-wifr a theledu a reolir gan declyn rheoli.
• Coridorau addas i gadair olwyn ar yr ail lawr, yn arwain i'r caffi ac i ystafell fwyta'r preswylwyr.
• Mae golau da yn y coridorau.

Cyfleusterau Cyfarfod / Cynhadledd

• Mae gan un ystafell gyfarfod system dolen glywed wedi'i ffitio.
• Mae system dolen glywed symudol ar gael hefyd mewn ystafelloedd cyfarfod eraill, ar gais.
• Mae gan bob ystafell gyfarfod drefniadau eistedd amrywiol.

Toiledau

• Mae toiledau wedi'u haddasu ar gael.
• Ceir mynediad gwastad i'r toiledau safonol.
• Mae golau da yn y toiledau.

Toiledau'r anabl yn y Brif Dderbynfa, yn Ystafelloedd Newid 1, 2, 3 a 7 ac  yng nghefn y Brif Neuadd, y tu allan i Neuadd Jubilee, yn y dderbynfa ochr ac ar yr ail lawr (coridor y preswylwyr)

Mae gan Ganolfan Genedlaethol Chwaraeon Cymru raglen o asesiadau allanol a mewnol i fonitro a gwella perfformiad ac mae ganddi'r dyfarniadau a ganlyn ar hyn o bryd:

• QUEST, Cynllun Safon y DG ar gyfer Chwaraeon a Hamdden (Canmoliaeth Uchel)
• Rhagoriaeth mewn Gwasanaethau'r Cwsmer (Marc Siarter gynt)
• Buddsoddwyr mewn Pobl (drwy Chwaraeon Cymru)
• Safon Amgylcheddol y Ddraig Werdd Lefel 2 (gallwch lawrlwytho ein polisi amgylcheddol)
• Llety 2 seren Visit Wales i westeion
• Gwobr Aur am Safonau Hylendid Bwyd

Gwobr Aur Opsiynau Iach Cymru Gyfan

• Llety
• Aerobics a Chylchedau
• Saethyddiaeth
• Astroturf
• Hoci
• Badminton
• Dawnsio Neuadd Ddawns a Lladin
• Pêl Fasged
• Boccia
• Y Caffi
• Ystafelloedd cynhadledd a chyfarfod
• Ffensio
• Pêl droed
• Cyfleusterau ffitrwudd (campfeydd cardiofasgiwlar a phwysau rhydd)
• Gymnasteg
• Pwll hydrotherapi
• Jiwdo
• Lacrosse
• Y Ganolfan Genedlaethol ar gyfer Cefnogi Athletwyr Elitaidd
• Pêl rwyd
• Rygbi
• Pêl foli'n eistedd
• Saethu
• Tenis byr
• Sboncen
• Tenis bwrdd
• Tenis
• Pêl foli
• Reslo
• Rygbi cadair olwyn
• Pêl droed 5-bob-ochr
• Ioga

Oriau agor y Ganolfan

9.00am - 10.30pm Llun i Gwener  
9.00am - 10.00pm Sadwrn 
9.00am - 9.30pm   Sul

(Archebion sboncen ar gael o 8.40am ymlaen)

Mae'r dderbynfa ar agor yn ystod yr amseroedd a ganlyn

8.00am - 9.30pm Llun i Gwener  
8.15am - 9.30pm Sadwrn 
8.15am - 9.00pm Sul

Sylwer y bydd y Ganolfan Genedlaethol ar gau ar y dyddiau canlynol:

Sylwer y bydd y Ganolfan Genedlaethol ar gau Ddydd Llun 4 Mehefin a Ddydd Mawrth 5
Mehefin 2012 ac yn ailagor fel arfer ddydd Mercher 6 Mehefin 2012. 

Ymddiheurwn am unrhyw anghyfleustra a achosir gan hyn.

Canolfan Genedlaethol Chwaraeon Cymru
Gerddi Sophia
Caerdydd
CF11 9SW

Mae holl brif drenau a'r bysus pellter hir yn cyrraedd Gorsaf Drenau a Bysus Canol Caerdydd.Mae Canolfan Genedlaethol Chwaraeon Cymru wedi'i lleoli mewn parc yng nghanol Dinas Caerdydd. Mae'r cysylltiadau trafnidiaeth yn hwylus iawn, naill ai drwy ddefnyddio trafnidiaeth gyhoeddus neu mewn car. Mae gofod parcio ar gael am ddim er mae'r safleoedd yn gyfyngedig. Ceir maes parcio talu ac arddangos mawr gan y Cyngor o fewn pellter cerdded hwylus i'r Ganolfan.

Mae holl brif drenau a'r bysus pellter hir yn cyrraedd Gorsaf Drenau a Bysus Canol Caerdydd.

Ar Drên

Mae trenau cyflym a dinas rheolaidd yn gadael am Gaerdydd o holl brif ddinasoedd y DG.   
Ewch i www.firstgreatwestern.co.uk neu www.centraltrains.co.uk am yr wybodaeth ddiweddaraf.

Ar Fws

Mae bysus cyflym rheolaidd yn gadael am Gaerdydd o'r rhan fwyaf o'r prif leoliadau yn y DG.

Ewch i www.nationalexpress.com am wybodaeth bellach.

Ceir sawl opsiwn ar gyfer y siwrnai fer ymlaen i'r Ganolfan.

O Orsaf Drenau a Bysus Canol Caerdydd, mae bysus rhifau 24, 25 a 62 a 122 yn mynd i Heol y Gadeirlan, sydd ryw ddau funud ar droed o'r Ganolfan.

Mewn tacsi o Orsaf Drenau Canol Caerdydd

Mae'r siwrnai'n ryw 5 munud.

Ar droed o'r oesaf

Mae'r siwrnai 15 ar droed yn mynd â chi ar hyd glannau Afon Taf, heibio Stadiwm y Mileniwm a thrwy Parc Bute ble cewch fwynhau golygfeydd o Gastell Caerdydd.

Gallwch lawrlwytho map

Dros y ffôn: 0845 045 0902

Drwy ffacs: 029 2033 8398

Drwy e-bost: canolfancenedlaethol@chwaraeoncymru.org.uk

Drwy'r post:

Canolfan Genedlaethol Chwaraeon Cymru

Gerddi Sophia

Caerdydd

CF11 9SW