Y morwr sy'n gyn-Bencampwr Byd, Mark Nicholls, yw Prif Reolwr Ffocws 2014 yn Chwaraeon Cymru, sy'n rhan o'r tîm rheoli sy'n cyfeirio arian i chwaraeon ac athletwyr sy'n gallu cyflwyno medalau i Gymru.              

Mae Mark yn y swydd ers mis Mehefin 2011 a daw o gefndir o 12 mlynedd gyda Hwylio Prydain. Cystadlodd ei hun ond bu'n gweithio hefyd gyda rhaglenni llwyddiannus Hwylio PF a gipiodd fedalau aur yn y Gemau Olympaidd yn 2004 a 2008, fel hyfforddwr rhaglen.

Dywed Mark;

"Rydym yn canolbwyntio ein cefnogaeth ar y chwaraeon, yr athletwyr a'r hyfforddwyr sydd â'r cyfle mwyaf i ennill medalau yng Ngemau Cymanwlad Glasgow 2014, ac unrhyw athletwyr a/neu hyfforddwyr o Gymru sydd y tu allan i'r deg camp yn y Strategaeth Chwaraeon Elitaidd sy'n gallu ennill medalau Olympaidd yn y cylch presennol ac sydd angen cefnogaeth."

Hefyd mae Mark yn rheolwr ar y cyd ar staff ac ymarferwyr Chwaraeon Cymru sy'n cyflwyno gwasanaethau i athletwyr elitaidd, fel ffisiotherapi, maeth perfformiad a chryfder a siapio i enwi dim ond rhai.