Mae Matt wedi bod yn gweithio yn Chwaraeon Cymru ers tair blynedd yn cyflwyno hyfforddiant cryfder a siapio i gefnogi athletwyr Cymanwlad, Olympaidd a Pharalympaidd.

Ei rôl yw paratoi'r athletwyr yn gorfforol ar gyfer gofynion penodol eu camp.              

Ar ôl ennill gradd BSc (Anrh) mewn Chwaraeon a Gwyddoniaeth Ymarfer o Brifysgol Exeter, dechreuodd yr hyfforddwr cryfder a siapio sydd wedi'i achredu gan UKSCA weithio ym maes cryfder a siapio yn 2004, gan ddarparu cefnogaeth i dimau chwaraeon Prifysgol Exeter a'r ganolfan denis perfformiad uchel.                                                                

Yn 2007, symudodd i Gaerdydd i astudio am radd Meistr mewn Gwyddoniaeth Hyfforddi, ble gweithiodd gyda sgwadiau athletau a thenis APCC.                              

Dechreuodd Matt weithio yn Chwaraeon Cymru ar ddechrau 2008, gan gyflwyno cefnogaeth cryfder a siapio i ddisgyblaethau chwaraeon amrywiol, gan gynnwys badminton, hwylio, tenis bwrdd, athletau, jiwdo, tenis, beicio sbrint, bobsled a disgyblaethau Paralympaidd.

Ei brif faes arbenigol yw datblygu cryfder a phŵer a'i brif ddiddordebau yw diagnosis cryfder a phŵer, datblygu athletwyr yn y tymor hir a'r cylch byrhau ymestyn.