Mae Vanessa wedi bod yn gweithio yn Athrofa Chwaraeon Cymru ers 2003 ar ôl cwblhau gradd BSc (Anrh) mewn Bioleg Dynol ac Ymarfer ym Mhrifysgol Oxford Brookes.

Dechreuodd gyrfa Vanessa fel Technegydd Labordy a gwnaeth MSc mewn Chwaraeon a Gwyddoniaeth Ymarfer ar yr un pryd yn APCC. Aeth ymlaen wedyn i gwblhau Profiad Goruchwyliol BASES cyn dod yn ffisiolegydd achrededig.

Nawr mae Vanessa yn Ffisiolegydd a Gwyddonydd Talent yn Chwaraeon Cymru ac mae wedi gweithio gyda rhai o athletwyr mwyaf llwyddiannus Cymru. Yn 2006, gweithiodd fel Ffisiolegydd i Dîm Cymru yng Ngemau Cymanwlad Melbourne ble sefydlodd labordy i fonitro gwaed a hefyd cynnal sesiynau monitro hydradiad ac adfer. Yna aeth ymlaen i chwarae rhan allweddol yn y gwaith o baratoi'r athletwyr ar gyfer Gemau Cymanwlad Delhi 2010, gan gynghori athletwyr ynghylch cynefino â hinsawdd, oeri a blinder ar ôl teithio a gweithiodd gyda Nofio Prydain yn eu gwersyll ymarfer yn Doha.

Yn gweithio gydag athletau, beicio a nofio yn bennaf, mae rôl Vanessa yn galw am ddatblygu strategaethau i sicrhau perfformiad optimwm ar adegau penodol drwy gydol cylch hyfforddi'r athletwyr, o brofion ffitrwydd, naill ai mewn labordy gwyddoniaeth chwaraeon neu allan yn y cae, i fonitro ymateb y corff i raglenni hyfforddi a chystadlaethau yn rheolaidd.