Arolwg ar Oedolion Egnïol

Crynodeb

Mae'r Arolwg yn arolwg bob dwy flynedd ar deuluoedd sydd wedi'i gomisiynu gennym Chwaraeon Cymru er mwyn mesur lefel y cyfranogiad mewn clwb, yr aelodaeth o glwb, y gwirfoddoli a'r materion chwaraeon eraill ymhlith oedolion yng Nghymru.

Yr arolwg yw'r brif ffynhonnell o ddata yng Nghymru am gyfranogiad chwaraeon, aelodaeth o glybiau chwaraeon a materion eraill cysylltiedig â chwaraeon ymhlith oedolion (15 oed a hŷn) yng Nghymru, gan greu darlun unigryw o batrymau'r cyfranogiad mewn chwaraeon ymhlith oedolion Cymru.

Defnyddir canlyniadau'r arolwg gan sefydliadau partner, yn cynnwys Llywodraeth Cymru, awdurdodau lleol a chyrff rheoli chwaraeon cenedlaethol yn sail ar gyfer eu cynllunio strategol a'u gweithrediadau.

Mae'r arolwg yn cynnwys:

  • lefelau cymryd rhan mewn amrywiaeth o weithgareddau chwaraeon a hamdden gorfforol;
  • aelodaeth o glybiau chwaraeon a chyfranogiad ynddynt; 
  • gwirfoddoli mewn chwaraeon; 
  • cymryd rhan mewn chwaraeon cystadleuol; 
  • defnydd o ganolfannau hamdden a ffitrwydd; 
  • rhwystrau a chymhelliant ar gyfer cymryd rhan mewn chwaraeon.

Mae gwybodaeth ddemograffig amrywiol yn cael ei chasglu ar gyfer ei dadansoddi hefyd, yn cynnwys rhyw, dosbarth cymdeithasol, oedran, anabledd a strwythur y cartref. Mae'r sampl yn cael ei haenu hefyd er mwyn gallu dadansoddi ar lefel yr awdurdod lleol ac i roi sylw i ddosbarthiadau daearyddol eraill hefyd.

Mae'r gwaith maes ar gyfer Arolwg 2012 ar Oedolion Egnïol yn cael ei gynnal ar hyn o bryd.

Dull yr arolwg (2008-09)

Dull samplu

Casglodd Arolwg 2008-09 ar Oedolion Egnïol fwy na 22,000 o ymatebion yn seiledig ar sampl debygolrwydd ar hap gan yr awdurdodau lleol, ac fe'i cynhaliwyd gan Cello mruk research, ar ran Chwaraeon Cymru.

Casglwyd o leiaf 1000 o gyfweliadau ym mhob awdurdod lleol yng Nghymru. Gwnaed gwaith maes dros gyfnod o 12 mis, rhwng 1af Mawrth 2008 a 28ain Chwefror 2009 - er mwyn osgoi unrhyw effeithiau tymhorol ar y canlyniadau.

Dewiswyd y teuluoedd ar hap i gymryd rhan yn yr ymchwil gan ddefnyddio'r Ffeil Cyfeiriad Cod Post a luniwyd gan y Post Brenhinol. Clytyrwyd y dewis ar ffurf Ardal Allbwn (a ddewiswyd ar hap) er mwyn lleihau'r costau a sicrhau bopd yr arolwg yn un dibynadwy. Wrth gysylltu â teulu penodol, dewiswyd un oedolyn ar hap gan ddefnyddio rheol Nesaf i Gael ei Ben Blwydd.

Nid oedd yn orfodol i'r teuluoedd a'r unigolion a ddewiswyd gymryd rhan yn yr arolwg ac ni chynigiwyd unrhyw gymhelliant iddynt i wneud hynny. Cysylltwch â'r teuluoedd hyd at 6 gwaith er mwyn cwblhau cyfweliad.

Dull pwysoli

Pwysolwyd ymatebion Arolwg 2008-09 er mwyn rhoi ystyriaeth i debygolrwydd o ddewis anghyfartal ac ar gyfer diffyg ymateb gwahaniaethol, gan ddefnyddio protocol pwysoli tri cham.Mae hyn yn sicrhau bod dosbarthiad y sampl yn ymateb yn cyfateb i'r boblogaeth o oedolion a geir yng Nghymru.

Arolygon blaenorol

Cynhaliwyd yr Arolwg gan ddefnyddio dau ddull arall cyn 2008. Rhwng 1987 a 1998, roedd yr Arolwg yn rhan o Arolwg Omnibws Cymru Beaufort Research ac fe'i cynhaliwyd mewn pedair ton yn cynnwys 1000 o oedolion bob un, ym mhob chwarter.

Rhwng 1998 a 2005, ehangwyd yr Arolwg er mwyn gallu cofnodi canlyniadau ar lefel yr awdurdod lleol, gan ddefnyddio sampl cwota haenog.

Darganfyddiadau allweddol

Dogfennau technegol

Tablau data

  • Gwelir y tablau data yn adran Ystadegau yr wefan hon.